ВИПАШЯНА БЯСАЛГАЛ

Випашня бясалгалын курст хамрагдаж байгаа хүн бүр дараахь дүрэм горимыг хатуу чанд баримтална.

• Бясалгал дуустал 10 хоногийн турш гадна ертөнцтэй ямарч холбоогүйгээр бясалгалын төвийн орчинд байрлах.
• 10 хоногийн турш юм ярихгүй нам гүм байх.
• Бясалгал дуустал эсрэг хүйсний хүмүүстэй ямар ч харилцаагүй байх.
• Бясалгал өндөрлөтөл шашны ямарваа зан үйл үйлдэхгүй байх.
• Бясалгалын хугацаанд архи тамхи хийгээд эмчийн зөвлөснөөс бусад эм хэрэглэхгүй байх.
• Багшийн зааврыг шаргуу даган мөрдөх.

Бүх бясалгагчид бясалгал эхлэхээс өмнө эдгээр дүрэм горимыг чандлан мөрдөхөө батлан илэрхийлэх ёстой.

Бясалгалын зааланд:

•  Өөрт тань хувиарлагдсан суудалд суух хэрэгтэй.
• Бэрхшээл байгаа бол зохион байгуулагчид хандаж болно.
• Бясалгалын зааланд багшийн эзгүйд ч гэсэн багшийн суудлын зүг хөлөө жиихгүй байх хэрэгтэй. Хөлөө амраахыг хүсвэл хажуу тийш хандуулан жийн сууж болно.
• Үргэлжид сууж бясалгах хэрэгтэй.
• Нийтийн бясалгалд цагтаа орж, дуустал сууж бясалгана.

Нам гүм байх

Энэтхэг хийгээд дэлхийн олон оронд зохион байгуулагдсан бясалгалын туршлагуудаас харахад нам гүм байдалд бясалгагч илүү сайн бясалгадаг болох нь батлагджээ.Иймд бясалгагчид юм ярихгүй, нам гүм байх дүрэмийг чандлан сахих ёстой.Нам гүм байна гэдэг нь бусадтай биеэр, хэл яриагаар, дохио зангаагаар ч харьцахгүй байхыг хэлнэ.Ингэснээр бясалгагч сэтгэлээ амгалан тайван болгох шатанд ойртдог юм.

Бясалгалтай холбоотой асуудлын талаар багштай уулзаж ярилцаж болно.Мөн материаллаг зүйлс шаардагдах үед зохион байгуулагчдад хүсэлт тавьж болно.Бусад бясалгагч нартай харилцахыг хориглоно.